«Қазгидромет» РМК мәліметінше, еліміздің басым бөлігінде әлі де циклон мен оған байланысты атмосфералық фронттардың ықпалы сақталады, бұл қар жаууына әкеледі. Тек Қазақстанның батысы мен оңтүстігінде антициклон әсерінен жауын-шашынсыз ауа райы күтіледі. Жалпы ел аумағында желдің күшеюі, тұман түсуі сияқты құбылыстар байқалады. Батыс пен оңтүстікте көктайғақ болуы мүмкін.
Астана: Ауа райы бұлтты, аздаған қар жауып, бұрқасын болады. Жел оңтүстік-батыстан соғып, екпіні 9-14 м/с жетеді. Температура түнде −13…−15°С, күндіз −7…−9°С болады.
Алматы: Түнде аспан бұлтты, қар жауады. Күндіз бұлтты, бірақ жауын-шашынсыз. Солтүстік-шығыстан соғатын желдің жылдамдығы 2-7 м/с. Температура түнде −12…−14°С, күндіз −5…−7°С.
Шымкент: Ауа райы бұлтты, жауын-шашынсыз, тұман түседі. Жел шығыстан соғып, екпіні 5-10 м/с болады. Температура түнде −12…−14°С, күндіз 0…+2°С.
