«Еңбекшіқазақ ауданында Дүниежүзілік денсаулық сақтау ұйымының медициналық-санитарлық алғашқы көмек жөніндегі платформасы ашылды. Емханада іске қосылған демонстрациялық алаң мамандарға халықаралық деңгейде тәжірибе алмасуға мүмкіндік береді. Мұндай алаңдар еуропалық өңірде Испанияда, Швецияда және Қазақстанда жұмыс істейді», – деді Ажар Ғиният.
Сондай-ақ Денсаулық сақтау министрі ауданда медицина саласында оң нәтижелерге қол жеткізіліп жатқанын айтты.
«Мысалы, алғашқы медициналық-санитарлық көмек мейіргерлері мен әлеуметтік қызметкерлеріне көмек сұрап жүгінгендердің саны ұлғайды», – деді министр.
Сонымен қатар отбасылық дәрігерлерге жүгінгендердің саны үш есе артты, ал бейінді мамандарға жүгінгендердің саны 50%-ға азайды. Бұл модель барлық емханаларда енгізіліп жатыр.
