«2022 жылғы 1 қыркүйектегі жағдай бойынша микроқаржы ұйымдарының кепілсіз тұтынушылық микрокредиттерінің көлемі 416 млрд теңгені құрады. Микроқаржы ұйымдарынан кепілсіз тұтынушылық микрокредиттер бойынша қарыз алушылар саны 1 343,6 мың адамға жетті. Осы жылдың 8 айында кепілсіз тұтынушылық микрокредиттер құрылымында «Мемлекеттік кредиттік бюро» АҚ деректері бойынша мерзімі 90 күннен асатын қарыздардың үлесі 18,8 пайызға өсіп, 71,3 млрд теңгеге жетті. Проблемалы қарыз алушылар саны 434,2 мың адам (бірегей қарыз алушылар)», — деді ол.
Ол проблемалы кепілсіз тұтынушылық микрокредиттердің айтарлықтай өсуі онлайн микрокредиттеу сегментіне тиесілі болып тұрғанын айтты.
«Айталық, 50 АЕК-ке дейінгі кепілсіз онлайн микрокредиттер бойынша проблемалы қарыз алушылардың саны 15,8 пайызға артып 380 мың адамға жетті. Бұл микроқаржы ұйымдарындағы проблемалы қарыз алушылардың жалпы санының 88 пайызы. Онлайн микрокредиттер бойынша мерзімі өткен берешек 40 млрд теңге болды. Қазіргі уақытта микроқаржыландыру секторында 230 микроқаржы ұйымы қызмет көрсетеді. Оның ішінде 30 компания онлайн микрокредиттеу сегментінде жұмыс істейді», — деді Нұрлан Әбдірахманов.
