Көптеген қазақстандықтар бензин мен дизель отыны бағасының өсуіне алаңдап отыр. Бірақ егер сіз қазіргі жағдайға тереңірек үңілсеңіз бұл шараның өте орынды екенін түсінесіз. Тек осылай ғана біз ішкі нарықты қорғай аламыз және салыстырмалы түрде арзан отынның елден тыс кетуіне жол бермейміз.
Кем дегенде іргелес мемлекеттерді – Ресей, Қырғызстан және Өзбекстанды алыңыз. Егер біріншісінде дизель отынының бір литрінің құны 345 теңге болса, яғни біздікінен 45%-ға қымбат болса, онда Қырғызстанда — 390 теңге (64%-ға), ал Өзбекстанда — 480 теңге, яғни біздің бағадан екі есе жоғары. Сондықтан бұл елдердің тұрғындарына қазақстандық бензинді сатып алу және әкету тиімдірек.
Көптеген сарапшылардың пікірінше, бізге транзиттік көлік және көрші елдерге бензиннің «сұр» экспорты үлкен зиян келтіреді. Ол үнемі өсіп келе жатқан тұтыну көлемінің негізгі себептерінің бірі. Өткен жылы, мысалы, транзиттік көлікпен Қазақстаннан 150 мың тоннаға жуық дизель отыны, ал «сұр» экспортпен – 200 мың тоннаға жуық дизель отыны әкетілгенін айту жеткілікті. Аз емес. Мұның себебі бағаның айтарлықтай айырмашылығында.
Біздің ел шынымен де жанар-жағармай бағасы ең төмен елдер тізіміне кіреді. Біз әлемде болып жатқан барлық нәрселерден хабардар болуымыз керек және соған байланысты әрекет етіп, реттеуіміз керек. Елдің мемлекеттік мүддесін қорғау, қазақстандық бензиннің шетелге ағып кетуіне жол бермеу үшін бензин мен дизель отынының бағасын көтеру қажеттілігі бүгінгі күннің шындығы.
Жанат Исағұлов,
Алматы облысы Қарасай ауданы Қоғамдық кеңесінің төрағасы.
