Синоптиктер 14-16 желтоқсанға ауа райы болжамын ұсынды, деп хабарлайды alataunews.kz.
Қазақстанның басым бөлігінде алдағы күндері ауа райын солтүстік және оңтүстік циклондар анықтайды. 14-15 желтоқсан күндері жаңбыр мен қар жаууы мүмкін. Ал 16 желтоқсанда жаңбыр жауып, шығыс және оңтүстік-шығыс өңірлерде қалың қар күтіледі.
Еліміз бойынша көктайғақ, тұман, желдің күшеюі және боран болжанып отыр.
Солтүстік-батыс аймақтарда түнгі температура 10-18 градус аязға дейін төмендесе, солтүстік және орталық өңірлерде 15-25 градус аяз күтіледі. Республиканың оңтүстік және оңтүстік-шығыс бөлігінде температура 10-17 градусқа дейін суытады, ал таулы аймақтарда ауа температурасы 20-27 градус аязға дейін төмендеуі мүмкін.
