Қазақстандық спортшы 54 келіге дейінгі салмақта үздік нәтиже (үш әрекеттен кейін 186 кг) көрсетіп, Азия рекордын орнатты.
Қытайлық Янь Цзиньлан (185), вьетнамдық Нгуен Бинь Ан (184) үшінші орыннан көрінді.
Парадзюдодан Токио паралимпиадасының күміс жүлдегері, 31 жастағы Атырау қаласының түлегі Әнуар Сариев J2 санаты бойынша 60 келіге дейінгі салмақта үздік үштікке ілікті.
Әнуар қола жүлде үшін бәсекеде Лондон паралимпиадасының күміс жүлдегері, қытайлық Сюй Чжаодан айласын асырды.
Ә.Сариев бұған дейін 2018 жылы Джакартадағы Азия пара ойындарында командалық бәсекеде қола жүлде алған еді.
Парадзюдодан батысқазақстандық спортшы Рустам Мәмбетқұлов J-1 санаты (екі көзі де толық көрмейтін спортшылар) бойынша 60 келіге дейінгі салмақта алғашқы белдесуде қытайлық Чжу Шивеньді қылғындыру әдісімен жеңді.
Екінші айналымда қырғыз Бексұлтан Абдуллахимуулын да ұтты. Индонезиялық палуан Джунна Эдиге есе жіберіп қойып, жұбаныш белдесуде өзбек палуаны Диорбек Майдоновты кеудеден асыра лақтырып, қола жүлде үшін таласуға мүмкіндік алды.
Үшінші орынға Иемен елінің палуаны Шуга Сами Али Навшанмен белдесіп, ұпай санымен ұтылып, жарысты бесінші орынмен аяқтады.
