Синоптиктердің мәліметінше, облыстың таулы аудандарында атмосфералық фронттардың әсерінен жаңбыр жауып, күн күркіреуі мүмкін. Кей жерлерде бұршақ түсіп, желдің күшеюі күтіледі.
Жалпы республика бойынша солтүстік-батыс, солтүстік, шығыс, орталық және оңтүстік-шығыстың таулы өңірлерінде тұрақсыз ауа райы сақталады. Ал еліміздің оңтүстік және оңтүстік-батыс бөлігінде жауын-шашынсыз ыстық ауа райы болжанып отыр.
Сонымен қатар Қазақстанның көптеген өңірінде жел күшейеді. Кейбір аймақтарда шаңды дауыл болуы мүмкін.
Мамандар тұрғындарға аптап ыстық кезінде күннің ең ыстық уақытында ұзақ уақыт сыртта жүрмеуге, көбірек су ішуге және өрт қауіпсіздігі талаптарын қатаң сақтауға кеңес береді.
