5 желтоқсанда Қазақстанның 15 өңірінде қолайсыз ауа райы күтіліп, синоптиктер арнайы ескерту жасады, деп хабарлайды alataunews.kz.
Өңірлер бойынша ауа райы болжамы:
- Ұлытау облысы: шығысы мен орталығында тұман түседі.
- Батыс Қазақстан облысы: батысы мен солтүстігінде тұман және көктайғақ күтіледі.
- Қарағанды облысы: шығысы мен орталығында тұман.
- Ақтөбе облысы: солтүстігі мен шығысында көктайғақ, ал шығысы, оңтүстігі және орталығында түнде және таңертең тұман.
- Қызылорда облысы: орталығы мен шығысында көктайғақ, солтүстігі мен орталығында тұман.
- Маңғыстау облысы: солтүстік-батысы мен орталығында тұман күтіледі.
- Қостанай облысы: батысы, солтүстігі, шығысында көктайғақ, оңтүстігінде тұман.
- Жетісу облысы: таулы аудандарында тұман, Алакөл көлдері маңында желдің жылдамдығы секундына 25 метрге дейін күшеюі мүмкін.
- Солтүстік Қазақстан облысы: батысы мен солтүстігінде түнде жаяу бұрқасын, көктайғақ, ал күндіз бұрқасын мен көктайғақ. Желдің жылдамдығы кей жерлерде секундына 20 метрге жетеді.
- Абай облысы: шығысы, оңтүстігі, орталығында тұман.
- Шығыс Қазақстан облысы: батысы, солтүстігі, оңтүстігінде тұман.
- Алматы облысы: солтүстігі, оңтүстігі мен таулы аудандарында кей уақыттарда тұман.
- Түркістан облысы: оңтүстігі, солтүстігі, батысы, орталығы, тау және тау бөктерлі аудандарында тұман.
- Шымкент қаласы: түнде және таңертең тұман.
- Ақмола облысы: батысы мен солтүстігінде көктайғақ, күндіз жаяу бұрқасын күтіледі.
Ауа райының қолайсыздығы жолдарда көлік қозғалысына қиындық тудыруы мүмкін, сондықтан синоптиктер азаматтарға қауіпсіздік шараларын ұстануды ескертеді.
