«Бақытты отбасы» бағдарламасына әкімдікте кезекте тұрған азаматтар қатыса алады:
— көпбалалы отбасы;
— мүмкіндігі шектеулі бала тәрбиелеп отырған отбасы;
— толық емес отбасы (неке бұзылған сәттен бастап кемінде 3 жыл өтуі керек).
«Бақытты отбасы» бағдарламасына қатысушылар үшін қарыз сомасының 10% мөлшерінде бастапқы жарна болған кезде жылдық 2% мөлшерлеме бойынша қарыздар берілетін болады. Қарыз мерзімі — 20 жылға дейін», — деп хабарлады «Отбасы банк» АҚ баспасөз қызметі.
«Бақытты отбасы» бағдарламасы бойынша жергілікті әкімдіктер желісі бойынша салынған кредиттік тұрғын үйді немесе кандидаттың таңдауы бойынша кез келген өзге де тұрғын үйді сатып алуға болады (бастапқы, қайталама).
Қарыздың ең жоғары сомасы Астана, Алматы қалаларында және олардың қала маңы аймақтарында, Шымкент, Ақтау, Атырау қалаларында 15 млн теңгеге дейін және қалған өңірлерде 10 млн теңгеге дейін құрайды. Жылжымайтын мүлік қарыз алушы тұрғын үй кезегінде тұрған өңірде сатып алынуға тиіс.
