Мәселенің туындауына «Алатау Жарық Компаниясы» АҚ-ның №60 қосалқы станциясындағы төрт фидерді жоспарлы түрде реконструкциялау жұмыстары себеп болған. Электр желілерін жаңғырту кезінде уақытша электр қуатын шектеу енгізіліп, соның салдарынан су алу ұңғымасының жұмысы тоқтап, тұрғындарды ауыз сумен қамтамасыз етуде уақытша қиындықтар болған.
Қазіргі уақытта реконструкция жұмыстары толық аяқталып, электрмен жабдықтау да, ауыз су беру де штаттық режимде жүзеге асырылып жатыр.
Айта кетейік, «Жаңақұрылыс» шағын ауданында шамамен 700 тұрғын үй орналасқан. Мұнда 1,5–2 мыңға жуық адам тұрады. Аудан электр энергиясымен қуаттылығы 400 және 630 кВА болатын екі трансформаторлық қосалқы станция арқылы қамтамасыз етіледі. Ал ауыз су тұрғындарға су алу ұңғымасы мен су мұнарасы арқылы жеткізіледі.
