Мектеп, 2 отбасылық дәрігерлік амбулатория, спорттық-сауықтыру кешенінің құрылысына бөлінген ақшаны жымқырды деген айып тағылған құрылыс басқармасының лауазымды тұлғалары мен «Техника-Ремстрой» ЖШС-нің басшысына қатысты тергеу аяқталып, іс сотқа жолданды.
«Анықталған ақша жымқыру көлемі 467 млн теңге. ЖШС-ның басшысына қатысты «күзетпен ұстау» бұлтартпау шарасы қолданылды. Серіктестіктің 79 млн теңге көлеміндегі мүлкіне тыйым салынды», – деп мәлімдеді ҚР Қаржылық мониторинг агенттігінің ресми өкілі Әлібек Әбділов.
Ал Атырау облысы Құрылыс басқармасы басшысының бұрынғы орынбасарына және тағы бір тапсырысшыға қатысты «үйқамақта ұстау» бұлтартпау шарасы қолданылды.
