«Қазір еңбек нарығында техникалық мамандықтарға деген сұраныс артып отыр. Осыған байланысты биыл мемлекеттік гранттардың басым бөлігі осы бағытқа бөлінеді», – деді вице-министр.
Елде атом электр станциясын (АЭС) салу жоспарына орай, ядролық физика саласында кәсіби мамандарды дайындау ісі де қолға алынған.
«АЭС құрылысына қажетті кадрлардың нақты саны анықталып жатыр. Соған сәйкес грант бөлу мәселесі қарастырылады. Бұл ретте университеттердің мүмкіндігі мен оқу бағдарламалары ескеріліп, тиісті шешім қабылданады», – деді Талғат Ешенқұлов.
Сонымен қатар, министрлік өкілі АЭС жобасы үшін жаңа университет ашу жоспарда жоқ екенін нақтылады. Оның айтуынша, елімізде техникалық бағытта оқытатын және ядролық физика мамандарын дайындауға қабілетті жоғары оқу орындары бар.
– «Шешім әр университеттің инфрақұрылымдық әлеуеті мен білім беру сапасына қарай қабылданады», – деп түсіндірді вице-министр.
2025 оқу жылына арналған мемлекеттік білім грантына құжат қабылдау мерзімі де нақтыланды:
-
13–20 шілде аралығында – талапкерлерден өтініш қабылданады;
-
10 тамызға дейін – грант иегерлерінің тізімі жарияланады.
