Іс бойынша үкімді судья Әділбек Баймаханов оқыды. Сот шешімімен Ерболат Жанабылов 2 жылға бас бостандығынан айырылды. Алайда жаза шартты түрде тағайындалып, оның мүлкі тәркіленетін болды.
Ал оның жұбайы Эльмира Төлегенова 2 жылға төмен қауіпсіздік мекемесінде жазасын өтеуге сотталды. Сонымен қатар сот оның кәмелетке толмаған балаларының болуын ескеріп, жазаны өтеу мерзімін 2 жылға кейінге қалдырды.
Бұған дейін мемлекеттік айыптаушы екі айыпталушыға да 4 жылдан бас бостандығынан айыру жазасын сұраған болатын. Алайда сот процесі барысында тараптардың мәмілеге келуіне байланысты жаза жеңілдетіліп, кейін прокурор сұраған мерзім 2 жылға дейін қысқартылған.
Іс бойынша өзге мән-жайлар сот үкімінде нақтыланды.
