Әкімнің айтуынша, бүгінде LRT жолаушылар арасында жоғары сұранысқа ие.
«Күн сайын жолаушылар саны шамамен 65-75 мың адамды құрайды. Бұл көрсеткіш қалалық рельсті көліктің жаңа түрі елорда тұрғындары мен қонақтары арасында сұранысқа ие екенін көрсетеді», – деп жазды Жеңіс Қасымбек.
Қала басшысы сондай-ақ LRT желісін одан әрі дамыту жұмыстары жалғасып жатқанын атап өтті.
Оның сөзінше, қазіргі уақытта жеңіл рельсті көліктің Қосшы бағыты бойынша екінші кезеңін іске асыру жұмыстары басталған.
