Әкімшілік құқық бұзушылықтар жөніндегі мамандандырылған ауданаралық соттың мәліметінше, 2025 жылғы 2 желтоқсанда азаматша О.-ға қатысты ҚР Әкімшілік құқық бұзушылық туралы кодексінің 434-бабының 1-бөлігі («Ұсақ бұзақылық») бойынша іс тіркелген.
Іс материалдарына сәйкес, блогер Instagram парақшасында видеоролик жариялап, онда қоғамға және ерекше қажеттілігі бар адамдарға қатысты қорлайтын сөздер айтқан.
«Сотқа дейінгі тергеу жүргізілген жоқ, себебі құқықбұзушылық әкімшілік іс жүргізу тәртібімен қаралады. Сот отырысында азаматша қорлайтын сөз қолданғанын мойындағанымен, ерекше балаларды қорлау ниеті болмағанын айтып, кінәсін ішінара мойындады.
ҚР ӘҚБтК 434-бабы бойынша құқықбұзушыға 20 АЕК көлемінде айыппұл салу немесе 20–60 сағат қоғамдық жұмысқа тарту, не 5–15 тәулік аралығында әкімшілік қамауға алу жазасы қарастырылған.
Сонымен қатар, ҚР ӘҚБтК-нің 50-бабының 2-бөлігіне сәйкес, 14 жасқа дейінгі балалары бар әйелдерге әкімшілік қамау қолданылмайды», — делінген полиция хабарламасында.
