Үй шаруашылықтарын іріктеп зерттеу деректері бойынша 2021 жылы тұтынылған тамақ өнімдерінің энергетикалық құндылығы жан басына шаққанда күніне орташа есеппен 3111 ккал құрады. 2020 жылмен салыстырғанда тұтынылатын өнімдердің калория мөлшері 9,2%-ға төмендеді (күніне 314 ккал-ға). Бұл туралы Ұлттық статистика бюросы мәлім етті.
Павлодар және Алматы облыстарындағы тұрғындардың ас мәзірі жоғары калориялы болып шықты. Сәйкесінше 3 478,7 ккал және 3 487,6 ккал. Ал Шымкент және Нұр-Сұлтан қалаларының тұрғындары калориясы аз тағамдарды тұтынатыны анықталды, 2 519,8 ккал және 2 657,8 ккал-дан.
Сондай – ақ, ауылды жерлердегі халықтың тамақтануындағы энергетикалық құндылық жоғары – 3 207 ккал, ал қалалық жерде – 3 044 ккал.
