Алматы-3 вокзалының құрылысын «Қазақстан темір жолы» АҚ (ҚТЖ) ұсынған. Мұхит Әзірбаевтың айтуынша, бұл теміржол жолаушылар ағынын азайтып, өзге вокзалдағы жүктемені жеңілдетеді.
«Қазір Боралдай ауданындағы негізгі жолдарды төсеу жоспарланып отыр. Жаңа вокзал Алматының бүкіл батыс аймағын қамтиды. Алатау және Наурызбай аудандарының тұрғындары Алматы-2-ге тоқтамай, уақытын үнемдей отырып, қалаға қатынайтын болады», — дейді Алматы қаласы әкімінің орынбасары Мұхит Әзірбаев.
Оның айтуынша, Баум тоғайы арқылы екінші тармақ салудың қажеті болмайды. Қыркүйектің 12-сі күні қалалық мәслихаттың XXV сессиясының отырысында қала әкімі Ерболат Досаев сөз сөйлеп, қаланы дамытуға қандай қаражат бөлуді жоспарлап отырғанын айтты.
