Бірнеше адамға қатысты алдау және сенімге кіру арқылы бейтаныс адамның мүлкін бірнеше рет ұрлау – 27 жастағы Ц.есімді азаматтың іс-әрекеті дәл осылай квалификацияланған.
«Қазіргі таңда сотқа дейінгі тергеудің бірыңғай тізіміне алаяқтық бойынша 2 дерек тіркелді. Күдікті интернет-ресурс арқылы адамдарды алдаған. Ол Оңтүстік Кореяға жұмысқа орналасуға және жұмыс визасын алуға көмектесу туралы жалған хабарландырулар жариялаған. Ақшаны алғаннан кейін ер адам жасырынып қалған. ҚР ҚК-нің 190-бабы 3-бөлігінің 3-тармағы, ҚР ҚК-нің 190-бабы 3-бөлігінің 4-тармағына сәйкес қылмыс жасады деген күдік бойынша жедел-іздестіру іс-шараларын жүргізу барысында Ц.есімді азамат ұсталды. Ол ҚР ҚПК-нің 128-бабына сәйкес қамауға алынды», – деді Жетісу аудандық Полиция басқармасының басшысы Дархан Мұсанов.
Полиция департаменті Ц. есімді азаматтан зардап шеккен адамдар болса мына байланыс нөмірлеріне хабарласуын сұрайды: +7-778-879-78-88; + 7-702-401-11-10.
