Қалалық Полиция департаментінің мәліметінше, адам өліміне әкеп соққан жол апатына кінәлі деп танылған жүргізуші тергеу изоляторына этапталған.
«Адам өліміне әкеп соққан жол-көлік оқиғасына кінәлі деп танылған ZEEKR автокөлігінің жүргізушісі тергеу изоляторына этапталды. Осыған дейін күдікті медициналық мекемеде айдауыл күзетімен болған және соттың санкциясымен қамауға алынған. Қазіргі уақытта ол қылмыстық іс аясында қамауда ұстауды жалғастыру үшін тергеу изоляторына жеткізілді», – делінген қалалық ПД хабарламасында.
Қазіргі уақытта аталған факті бойынша сотқа дейінгі тергеу амалдары жалғасып жатыр.
