Марат Сұлтанғазиев әкімшілік-аумақтық құрылымға енгізілген өзгерістерді және мемлекеттің саяси жүйесінің түбегейлі өзгерістерін атай отырып, бұл шешімдер өңірдің жаңа әкімшілік орталығының дамуына оң әсер ететініне сенім білдірді.
Облыс әкімі өңір тұрғындарын осыған байланысты тұрақты экономикалық өсімді қамтамасыз ету, халықтың табысы мен жайлы өмірін арттыру үшін барлық шаралар қабылданатынының айтты.
Аймақ басшысы өңірлік экономиканың бірқатар статистикалық көрсеткіштерін келтірді. Мәселен, биыл негізгі салаларда оң динамика байқалады. Өйтені, өнеркәсіп өндірісінің көлемі 5% – ға (689,9 млрд теңге), ауылшаруашылығы – 2,8% — ға (195,5 млрд теңге), сауда-3% — ға (467,5 млрд теңге) өскен.
Құрылыс саласында ең жоғары өсім – 14,3% (79,6 млрд теңге) жеткен. 413 мың шаршы метрден астам тұрғын үй пайдалануға берілді, облыс экономикасына 220 миллиард теңге инвестицияланды.
«Жергілікті бюджетке түсетін түсімдер 42,4% — ға яғни 202,8 млрд теңгеге дейін ұлғайды. Қол жеткізілген қарқын жыл соңына дейін сақталады», — деп мәлімдеді Марат Сұлтанғазиев.
