Алматы, Шымкент қалалары, Алматы, Ақтөбе және Жамбыл облыстары аумағында ұйымдасқан қылмыстық топ мүшелерін ұстау бойынша арнайы операция жүргізілді. Нәтижесінде 23 адам қолға түсті.
Қылмыстық топ мүшелері, бұрын сотталғандар және қылмысқа бейім адамдар, оның ішінде қару қолдану арқылы қылмыс жасау және зорлық-зомбылық жасауға маманданғандар.
«Олардың бақылауындағы заңсыз майнинг фермаларының қызметі есебінен Алматы облысының Талғар ауданы аумағында қылмыскерлер ай сайын 300-500 мың доллар көлемінде пайда тапқан. Олар IT-технологиялар саласындағы 36 жастағы маманды қылмыстық есептегішке отырғызып, қорқытып, майнинг фермалары жұмысын ұйымдастыруға мәжбүрлеген», – деді Ішкі істер министрлігінің өкілдері.
Жедел қызметкерлер заттай айғақтар мен қылмыс құралдарын, «қара» бухгалтерияны, сондай-ақ жалпы сомасы 7 миллион долларға жуық майнинг фермалары жұмысына арналған 6 мыңнан аса құрал-жабдықты, «Макаров» тапаншасын және үш жалған мемлекеттік нөмірді тәркілеген.
