Іс-шара Алматы облысы Дін істері басқармасының «Дін саласындағы мәселелерді зерттеу орталығы» КММ және «Адам және қоғам» қоғамдық бірлестігінің ұйымдастыруымен жүзеге асты.
Семинардың басты мақсаты – педагог қызметкерлердің жасөспірімдер арасында деструктивті және радикалды идеологиялардың алдын алу бағытындағы кәсіби құзыреттілігін арттыру.
Семинар аясында қатысушылар:
– дін саласындағы қолданыстағы заңнамалар мен нормативтік-құқықтық актілер жөнінде ақпарат алды;
– мемлекеттік бағдарламалар шеңберіндегі өзекті бағыттарды талқылады;
– жастармен жұмыс жүргізудің тиімді әдістері мен алдын алу тетіктерін меңгерді;
– практикалық кейстер арқылы тәжірибелік дағдыларын жетілдірді.
Аталған семинар педагогтардың кәсіби әлеуетін нығайтып қана қоймай, білім беру ортасында қауіпсіз, тұрақты және саналы орта қалыптастыруға өз үлесін қосты.
