Салтанатты шара Қарасай ауданындағы «Арман дала» оқу-сауықтыру орталығында ұйымдастырылды. Кездесуге 2025–2026 оқу жылында халықаралық және республикалық білім бәйгелерінде жоғары нәтиже көрсеткен 129 оқушы қатысты.
Шара барысында дарынды жастардың білім мен ғылым саласындағы жетістіктері атап өтіліп, олардың табыстары жоғары бағаланды. Сондай-ақ оқушыларды қолдау, олардың әлеуетін дамыту және болашаққа деген ынтасын арттыру мәселелері талқыланды.
Кездесудің құрметті қонақтарының бірі – Ұлттық бірыңғай тестілеуде ең жоғары нәтиже көрсетіп, 140 балл жинаған Еңбекшіқазақ ауданындағы М.Горький атындағы орта мектептің түлегі Али Айдынұлы Лоян болды.
Ұйымдастырушылардың айтуынша, мұндай кездесулер жас ұрпақтың білімге деген қызығушылығын арттырып, жаңа жетістіктерге ұмтылуына серпін береді.
Іс-шара аясында қатысушылар үшін мәдени-танымдық бағдарламалар ұйымдастырылып, мерекелік көңіл-күй сыйланды. Дарынды оқушылар өзара тәжірибе алмасып, болашақ жоспарларымен бөлісті.
