«Қазгидромет» РМК мәліметінше, ертең өңірдің солтүстігінде, оңтүстігінде және таулы аудандарында тұман түсіп, көктайғақ болуы мүмкін. Солтүстік-шығыстан жел соғады. Облыстың шығысында, орталығында және таулы аймақтарында желдің екпіні секундына 18-23 метрге дейін жетеді.
Қонаев қаласында 2 наурызда кей уақыттарда тұман түсіп, көктайғақ болады деп болжануда. Сондай-ақ солтүстік-шығыстан соғатын желдің екпіні күндіз 18-23 м/с-қа дейін жетуі ықтимал.
Мамандар тұрғындарға жол қозғалысы кезінде сақ болуды, алыс сапарға шыққанда ауа райы жағдайын ескеруді және қауіпсіздік шараларын қатаң сақтауды ұсынады.
