«AMANAT» партиясының саяси тұғырнамасының іске асырылу барысын партияның Алматы облыстық филиалының кезектен тыс XXX конференциясының қатысушылары талқылады.
Кездесу өңір басшысы Марат Сұлтанғазиевтің төрағалығымен өтті.
Филиалдың жаңадан тағайындалған атқарушы хатшысы Қуат Байғожаев партиялықтардың жаңа міндеттері туралы айтып берді.
«AMANAT» партиясының жаңа саяси платформасы биыл наурыз айында басталған толыққанды партиялық трансформацияның бір бөлігі. Платформа Қазақстанның басты қоғамдық күшінің болашаққа деген көзқарасын, даму бағдарларын, қағидаттары мен саяси мақсаттарын қамтиды. Платформа елімізде болып жатқан өзгерістерге «AMANAT» партиясының жауабы ретінде негізгі идеологиялық құжат», – деп атап өтті партия филиалының атқарушы хатшысы Қуат Байғожаев.
Конференция барысында елордада өтетін «AMANAT» партиясының кезектен тыс XXIV съезіне қатысушы делегаттар сайланды. Айта кету керек, өңірден алдағы съезге барлығы 40 делегат барады.
