Жыл басынан бері Алматы облысында 800-ден астам, Ақмола және Жамбыл облыстарында 500-ден астам, ал Түркістан облысында 400-ге жуық мал ұрланған. Бұл туралы ІІМ алқа отырысында айтылды.
«Тек Павлодар облысында ғана биыл мал ұрлығымен айналысқан ұйымдасқан қылмыстық топ ұсталды. Олар Павлодар, Шығыс Қазақстан және Қарағанды облыстарынан 170-ке жуық ірі қара мал ұрлап, ауыл адамдарына миллиондаған шығын келтірген», – деді министр.
Оның сөзінше, ұрланған мал еті сатылатын негізгі орындар Нұр-Сұлтан, Алматы және Шымкент қалалары болып табылады.
Сондай-ақ, қолды болған малдың 70%-ы қараусыз қалған. Бұл — жол қозғалысына қауіп, қылмыскер үшін оңай олжа. Сондықтан жергілікті халықпен және әкімдіктермен тығыз ынтымақтастық орнату қажет.
