Ресми деректерге сәйкес, балалар ел халқының 33,6 пайызын құрайды. Олардың 62,3 пайызы қалалық жерлерде, ал 37,7 пайызы ауылдық елді мекендерде тұрады. Сонымен қатар ұл балалардың үлесі 51,4 пайыз болса, қыз балалардың үлесі 48,6 пайызды құрайды.
Өңірлер бойынша балалар саны ең көп аймақтардың қатарында Алматы облысы да бар. Статистикаға сәйкес, облыста 572,3 мың бала тұрады. Бұл көрсеткіш бойынша өңір республикада үшінші орында тұр.
Балалар саны жағынан Түркістан облысы көш бастап келеді. Мұнда 910,4 мың бала тіркелген. Екінші орында – 688,9 мың баласы бар Алматы қаласы.
Сарапшылардың мәліметінше, соңғы бес жылда Қазақстандағы балалар саны 4,4 пайызға артқан. Бұл еліміздегі демографиялық өсімнің оң қарқынын көрсетеді.
