ҚР Атом энергиясы агенттігінің мәліметінше, жаңа қалашықты салу Қазақстанда атом электр станцияларын салу жобасы аясында жүзеге асырылады.
Болашақ қалашықта тұрғындардың жайлы өмір сүруіне қажетті барлық жағдай жасалады. Сондай-ақ атом энергетикасы саласында жұмыс істейтін мамандарды кәсіби даярлауға арналған орталықтар ашылады.
Жоба атом саласының мамандарын тұрғын үймен қамтамасыз етуге, олардың кәсіби біліктілігін арттыруға және елді мекеннің инфрақұрылымын кешенді дамытуға бағытталған.
Айта кетейік, Үлкен ауылы Алматы облысының Жамбыл ауданында, Балқаш көлінің жағасында орналасқан. Мұнда Қазақстанның екі атом электр станциясын салу жоспарланып отыр.
