Қазіргі уақытта 9 пәтердің құрылысы толық аяқталған. Қалған 198 баспананы жыл соңына дейін пайдалануға беру көзделіп отыр. Бұл аудан тұрғындарының баспанаға деген сұранысын азайтып, әлеуметтік қолдауға мұқтаж отбасылардың тұрғын үй жағдайын жақсартуға мүмкіндік бермек.
Жаңа тұрғын үйлердің басым бөлігі аудан орталығы Бақанас ауылында салынып жатыр. Мұнда 168 пәтер бой көтеруде. Ал қалған баспаналар Миялы, Бақбақты және Ақдала ауылдарында орналасқан.
Құрылыс жұмыстарын жергілікті кәсіпкерлер жүзеге асыруда. Солардың бірі – жеке кәсіпкер Нұрбол Бекбасов. Оның айтуынша, шілде айында басталған құрылыс жұмыстары жыл соңына дейін толық аяқталады.
«Құрылыс жұмыстарын шілде айында бастадық. Жоспар бойынша жыл соңына дейін аяқтауды көздеп отырмыз. Бір тұрғын үйде 12 пәтер орналасқан. Олардың ауданы 40, 60 және 80 шаршы метрді құрайды. Қазіргі уақытта құрылыс алаңында 70-ке жуық жұмысшы мен 30-ға жуық техника жұмылдырылған», – дейді кәсіпкер.
Жаңа пәтерлердің әртүрлі көлемде салынуы тұрғындардың отбасылық жағдайы мен қажеттіліктеріне сәйкес баспанамен қамтылуына мүмкіндік береді.
Құрылыс толық аяқталғаннан кейін тұрғын үйлер Балқаш аудандық құрылыс бөлімінің қарамағына беріледі. Кейін пәтерлер «Отбасы банк» АҚ арқылы әлеуметтік осал топ санатындағы азаматтарға үлестіріледі.
Ауданда тұрғын үй құрылысын дамыту әлеуметтік инфрақұрылымды жақс
