«Үйдің қасына бірден тоқтадым. Қасыма Mazda көлігі де кеп тоқтай қалды. Ол уақытта үйдің иесі терезеден әйелі мен бала-шағасын сыртқа шығарып жатыр екен. Қарап тұруға, сасып қалуға уақыт болмады. Қасымдағы азамат екеуміз газ баллонды далаға шығардық. Өрт сөндірушілер келгенше шатырға шығып, шлангпен отты ауыздықтай бастадық», — деді ауыл әкімі Мақсат Жазиев.
Қонаев қаласы әкімдігі баспасөз қызметінің мәліметіне сүйенсек, жергілікті 86621 әскери бөлімінің өрт сөндіру бөлімшесі де оқиға орнына жедел жетті. Қазіргі таңда өрт толығымен сөндірілді. Зардап шеккендер мен қаза тапқандар жоқ. Әкімдік үйді қалпына келтіруге көмек береді.
Посмотреть эту публикацию в Instagram
