Төлеген Кенжебеков 1986 жылы туған. Жоғары білімді маман. Жетісу мемлекеттік университетін «Қазақ тілі мен әдебиеті» мамандығы бойынша, сондай-ақ Құқық және экономика академиясын «Заңгер» мамандығы бойынша тәмамдаған. Сонымен қатар Жетісу мемлекеттік университетінде «Мемлекеттік және жергілікті өзін-өзі басқару» мамандығы бойынша магистр дәрежесін алған.
Еңбек жолын Ілияс Жансүгіров атындағы Жетісу мемлекеттік университетінде жастар ісі жөніндегі маман ретінде бастаған.
Әр жылдары Алматы облысының Ішкі саясат, Табиғи ресурстар және табиғатты пайдалануды реттеу басқармаларында бас маман болып жұмыс істеген. Сондай-ақ Қазақстан Республикасы Мемлекеттік қызмет істері агенттігінің Алматы облысы бойынша департаментінде бөлім консультанты, бас маман, басқарма басшысы қызметтерін атқарған.
Бұдан бөлек, облыс әкімі аппаратының Әдеп жөніндегі уәкілі, Қонаев қаласы әкімінің орынбасары лауазымдарында еңбек еткен.
