Оңтүстік Корея парламенті президентке импичмент жариялауды қолдады, деп хабарлайды аlataunews.kz.
Президентке импичмент жариялауды «Азаматтық күш» билеуші партиясының 204 депутаты қолдады. Бұл импичмент жариялаудың екінші әрекеті — 7 желтоқсанда партия дауыс беруге бойкот жариялаған болатын.
Енді іс Конституциялық сотқа өтеді. Дәл осы сот импичментті растау немесе Юн Сок Ёльді қызметіне қайтару туралы шешім қабылдауы керек. Бұл істі қарау алты айға дейін созылуы мүмкін.
Оңтүстік Кореядағы саяси дағдарыс желтоқсан айының басында басталды. Президент Юн Сок Ёль күтпеген жерден 1979 жылдан бері алғаш рет әскери жағдай енгізу туралы мәлімдеп, оны «конституциялық тәртіпті коммунистік күштерден және Солтүстік Кореядан туындаған қауіптерден қорғауға қажетті шара» деп атады.
Әскери жағдай жарияланғаннан кейін, дереу парламентке 190 депутат кіріп, президенттің шешімін бұғаттап тастады.
