Марапат Қырғызстан Республикасы Президенті Садыр Жапаровтың жарлығымен табысталды. Салтанатты рәсімге Қырғыз Республикасының Мемлекеттік хатшысы Марат Иманқұлов пен мәдениет, ақпарат және жастар саясаты министрі Мирбек Мәмбеталиев қатысты.
Димаш бұл жоғары құрметті қазақ пен қырғыз халықтарының достығы мен бауырластығының символы деп бағалап, қырғыз халқына және Қырғызстан басшылығына алғысын білдірді.
Айта кетейік, «Мейкин Азия» – Орталық Азиядағы ең ауқымды музыкалық фестивальдердің бірі. Биылғы финал көрерменге жоғары деңгейдегі концерт пен әсерлі сәттерді тарту етті. Димаштың өнерін тамашалауға келген көрермендер, әсіресе кішкентай жанкүйерлер, ерекше қуанышпен қарсы алды.
