Қайтыс болғандардың туыстары мен тірі қалғандармен кездесуде ол 29 желтоқсанда айтқан өз нұсқасының алдын ала тергеу нәтижелерімен расталғанын атап өтті.
«Әзербайжан азаматтарының өліміне Ресей өкілдері кінәлі. Біз әділдікті, кінәлілерді жазалауды және толық ашықтықты талап етеміз», – деді ол.
Президент, сондай-ақ, «қара жәшіктердің» Бразилияға жіберілуі Тәуелсіз Мемлекеттер Достастығының авиация комитетіне деген сенімсіздікпен байланысты екенін айтты: «Біз бұл қайғылы оқиғаның себептерін «құстар» мен «газ баллоны» туралы нұсқалар арқылы жасыруға тырысқандарын көрдік».
Әлиевтің айтуынша, Ресейдің әскери күштері мен азаматтық қызметтері арасында үйлестіру болғанда, бұл апатты болдырмауға мүмкіндік туар еді.
