Синоптиктердің мәліметінше, елдің солтүстігі мен шығысына суық антициклон ығысады. Соның әсерінен алдағы күндері ауа температурасы айтарлықтай төмендейді.
«14 қаңтар күні еліміздің солтүстік өңірлерінде, ал 15 қаңтардан бастап шығыс аймақтарда түнгі уақытта ауа температурасы 30–38 градусқа дейін төмендейді», – деп хабарлады Қазгидромет.
Сондай-ақ синоптиктер бірқатар өңірде жел күшейіп, аяздың әсері одан әрі арта түсуі мүмкін екенін ескертті.
