Республика аумағының көп бөлігінде солтүстік-батыс циклонының әсерінен тұрақсыз ауа райы қалыптасады. Найзағай ойнап, жаңбыр жауады, жел екпіні күшейіп, кей жерлерде бұршақ түсуі мүмкін. Әсіресе 18–19 маусымда елдің солтүстік және солтүстік-батыс өңірлерінде жаңбыр жауып, ауа температурасы айтарлықтай төмендейді.
Солтүстік-батыс және солтүстік өңірлер:
Түнгі ауа температурасы 17–25 градустан 15–23 градусқа дейін төмендейді. Күндізгі температура 25–35 градустан 20–31 градус аралығында болады.
Орталық аймақтар:
Түнде 18–25 градустан 15–22 градусқа дейін төмендейді. 17–18 маусым күндері күндіз қатты ыстық сақталады – 35–39 градус, ал өңірдің оңтүстігінде 42 градусқа дейін аптап болады. 19 маусымда күндізгі температура 27–32 градусқа дейін төмендейді.
Шығыс Қазақстан:
Түнгі температура 12–23 градустан 17–25 градусқа дейін көтеріледі. Күндіз 27–35 градустан 35–39 градусқа дейін, ал 19 маусымда кейбір аудандарда 40 градусқа дейін аптап ыстық күтіледі.
Оңтүстік-шығыс өңірлер:
Түнде 18–23 градустан 20–25 градусқа дейін аздап көтеріледі. Күндіз 35–39 градус қатты ыстық, 18–19 маусым күндері кей жерлерде 42 градусқа дейін өте қатты ыстық болжанады.
Оңтүстік өңірлер:
Күндізгі температура 43–46 градус аптап ыстықтан кейін 30–38 градусқа дейін төмендейді.
Синоптиктер тұрғындарды ауа райының күрт өзгерістеріне дайын болуға және сақтық шараларын сақтауға шақырады.
