«Қазгидромет» РМК мамандары демалыс күндеріне арналған ауа райы болжамын жариялады, деп хабарлайды alataunews.kz.
Синоптиктердің айтуынша, демалыс күндері Қазақстанның көп бөлігінде кең антициклонның әсерінен жауын-шашынсыз ауа райы сақталады. Алайда, елдің солтүстігінде, шығысында және орталығында атмосфералық фронттардың өтуімен жаңбыр жауады, шығыста түнде қарға айналуы мүмкін. Сондай-ақ республика аумағында желдің күшеюі күтілуде.
Түнде және таңертең солтүстік, солтүстік-батыс және шығыс өңірлерде тұман түсіп, 16 қыркүйекте топырақ бетінде 2 градусқа дейін үсік болуы ықтимал.
Күндіз ауа температурасы батыс аймақтарда +20+30°С, солтүстік-батыста +12+25°С, шығыста +5+18°С, оңтүстікте +23+32°С, ал солтүстік және орталық өңірлерде +10+18°С аралығында болады деп болжануда.
