«Жамбыл ауданы шағын және орта кәсіпкерлік субъектілердің саны бойынша бесінші, ал олармен шығарылған өнім, көрсетілген қызмет бойынша — алтыншы орында. Биылғы жылы «Кәсіпкерлікті дамытудың Ұлттық жобасы» аясында кәсіпкерлерді қолдауға 26,5 млрд. теңге қарастырылып отыр», — деді Марат Сұлтанғазиев.
Облыс әкімінің айтуынша, ауданда өзін-өзі жұмыспен қамтыған халықтың үлесі де жоғары. Бұл көрсеткіш 29% немесе 23,4 мың адам.
Жоғарыда аталған мәселелерді шешу үшін облыс әкімі аудан әкіміне халыққа түсіндіру жұмыстарын белсенді жүргізіп, жұмыссыз және өзін-өзі жұмыспен қамтыған азаматтарға өз ісін ашуға шағын несиелер мен гранттар беруді қамтамасыз етуі қажет екенін айтты.
Айта кетейік, жұмыссыз азаматтарды жұмысқа орналастыру және халықтың төмен табысы мәселелерін кешенді шешу үшін Алматы облысының 2029 жылға дейінгі халықтың табысын арттыру жөніндегі өңірлік жоспар қабылданған.
