Спикер өз сөзінде Мемлекет басшысының өткен жылы облысқа келген сапарында берген бірқатар тапсырмасына сәйкес атқарылған жұмыстардың қатарында пайдаланылмай жатқан жерлерді қайтару шараларының барына тоқталып өтті.
Мәселен, өткен жылы аэроғарыштық түгендеу жұмыстары нәтижесінде пайдаланылмай жатқан ауыл шаруашылығы мақсатындағы 1,077,2 мың га жер анықталған, оның 857,2 мыңы – жайылымдық жер. Бүгінде қабылданған шаралардың арқасында 327 мың га жайылымдық жер айналымға енгізілген, 401,7 мың га жер иелеріне заң бұзушылықтарды жоюға 1 жыл мерзімге нұсқамалар берілсе, 128,5 мың га жер мемлекет меншігіне қайтарылған (6,9 мың га егістік жер: 3,6 мың – суармалы, шабындық – 300 га, жайылым – 121,3 мың га). Қалған 220 мың гектар биыл қайтарылуы тиіс. Бүгінгі күнге қайтарылғаны – 101,4 мың га.
