«Өткен жылы тартылған инвестициялар көлемі бойынша Жамбыл ауданы 6,2% үлеспен алтыншы орында тұр. Жалпы облыстың инвестициялық портфелі 6,6 мың жұмыс орнын құрумен 678 млрд. теңгеге 104 жобаны қамтиды», — деді Марат Сұлтанғазиев.
Сондай-ақ Жамбыл ауданында алдағы үш жылға жалпы құны 31,3 млрд. теңге болатын 4 жобаны ғана іске асыру жоспарланып отыр
«Облыс әкімінің орынбасары Арслан Дәндібаевқа, кәсіпкерлік басқармасы аудан әкімімен бірлесіп, бәсекеге қабілетті өнім шығаруға бағдарланған жаңа кәсіпорындар ашуды және жұмыс істеп тұрғандарын кеңейту арқылы өндірісті ұлғайтуды, инвесторларға жан-жақты қолдау көрсетіп, аудан экономикасына инвестиция тартуды арттыруды тапсырамын», — деді өңір басшысы.
