Кездесу барысында тараптар өңірдің алдағы дамуы аясында TAŞYAPI тобының қызметін дамыту мәселесін талқылады. Бұл туралы Алматы облысының Өңірлік даму орталығынан хабарлады.
Компания жеке жобалар бойынша заманауи тұрғын үйлерді салу үшін әмбебап үй құрылысы комбинатын салуды және іске қосуды, комбинаттың өндірістік қуатқа мерзімінде шығуын қамтамасыз етуді және өзіндік құны төмен тұрғын үйлер мен әкімшілік ғимараттардың жылдам құрылысын қамтамасыз етуді жоспарлап отыр.
Қазіргі уақытта Алматы облысының индустриялық аймағында — Қонаев және Алматы қалалары арасында орналастыру бойынша 5 гектардан учаске бөлу, мемлекеттік қолдау көрсету шаралары бойынша мәселелер қаралып жатыр.
Жобаның құны 10 000 000 доллар. Жоба шеңберінде 250 жұмыс орны құрылады. Алдағы уақытта кезең-кезеңімен 500-ге дейін өседі.
Компания «Taşyapı Inşaat Taahhüt San. Tıc. A.Ş» Түркиядағы жетекші құрылыс компанияларының бірі және өнеркәсіптік, тұрғын-жайлы қалаларды салуға маманданған.
