«Білім беру саласында өзекті мәселе – үш ауысымды оқытуды жою. Облыс бойынша осындай 52 мектептің 6-ы осы ауданда. Оқушы орындарының тапшылығы — 6456. Сонымен бірге 32 педагог кадрлардың тапшылығы бар», — деді Марат Сұлтанғазиев.
Аталған мәселені шешу үшін ауданда 14 мектеп бой көтереді.
«Бұдан басқа, биыл Талғар қаласындағы политехникалық колледжі үшін 200 орындық жатақхана салу, агробизнес және менеджмент колледжіне арналған жатақхана ғимаратын қайта жаңарту жоспарланып отыр», — деді алға қойған мақсаттармен бөліскен аймақ басшысы.
Сөз соңында әкім биыл 2 баланың суицид жасағанын атап өтіп, аудандағы мектептерде профилактикалық жұмыс әлсіз екенін айтты.
