Мемлекет басшысының экономиканы әртараптандыру және шикізаттық емес экспортты ұлғайту жөніндегі тапсырмаларын орындау шеңберінде өңірде ауыл шаруашылығы өнімдерін терең өңдеу саласындағы ірі инвестициялық жобаларды жүзеге асыру жалғасуда.
Осы сектордағы негізгі кәсіпорындардың бірі «Маревен Фуд Тянь-Шань» ЖШС зауыты болып саналады. Қуаттылығы жылына 159 мың тонна болатын өндірістік кешен экономикаға 35 млрд теңге бөлді. Компания ішкі нарықтың қажеттіліктерін толығымен жабады және өнімнің едәуір бөлігін Орталық Азия мен Еуропа елдеріне экспорттай отырып, жаһандық жеткізу тізбегіне сәтті интеграцияланған.
«Біз Президенттің шикізаттық емес экспортты дамыту туралы тапсырмасын белсенді қолдаймыз. Осы жылы құны 4,5 млрд теңге болатын жаңа желіні іске қосамыз, бұл 100 жұмыс орнын ашуға мүмкіндік береді. 2027 жылға қарай 20 млрд теңге инвестициямен үшінші кезекті салу және тағы 200 орын ашу жоспарлануда. Қазіргі уақытта қызметкерлердің 99%-ы Қазақстан азаматтары», — деді Маркетингтік коммуникациялар бөлімінің бастығы Анна Орлова.
