Синоптиктердің мәліметінше, еліміздің көптеген өңірінде тұрақсыз ауа райы сақталып, күшті жел, найзағай, тұман, бұршақ және аяз күтіледі. Сонымен қатар бірқатар облыстарда жоғары өрт қаупі сақталады.
Астана мен Ақмола облысында желдің екпіні 15–20 м/с-қа жетіп, түнде 1–3 градус аяз болады. Қостанай мен Батыс Қазақстан облыстарында да түнгі уақытта аяз күтіледі.
Солтүстік Қазақстанда желдің екпіні 28 м/с-қа дейін күшейеді. Павлодар, Ұлытау және Атырау облыстарында да қатты жел соғып, кей жерлерде тұман түседі.
Шығыс Қазақстан, Абай және Жетісу облыстарында найзағай ойнап, кейбір таулы аудандарда бұршақ жаууы мүмкін. Бұл аймақтарда да желдің жылдамдығы күшейіп, жоғары өрт қаупі сақталады.
Алматы облысында найзағай мен бұршақ күтіледі, таулы аймақтарда қатты жаңбыр жаууы мүмкін. Алматы қаласында өткінші жаңбыр жауады.
Түркістан мен Жамбыл облыстарында найзағай, бұршақ және шаңды дауыл болжанып отыр. Шымкенттежелдің екпіні 15–20 м/с-қа жетеді.
Қызылорда және Ақтөбе облыстарында түнгі аяз сақталып, шаңды дауыл мен жоғары өрт қаупі күтіледі.
Синоптиктер тұрғындарды ауа райының күрт құбылуына байланысты қауіпсіздік шараларын сақтауға шақырады.
