Оның айтуынша, ҚР Президентінің үкімімен Қапшағай қаласының атауы өзгертіліп, Алматы облысының орталығы мәртебесі берілген соң «қала имиджіне ойынханалар кері әсерін тигізіп жатыр» деп шағымданатындар көбейді.
«Қазіргі таңда Қонаев-Алматы тас жолының бойында 15 ойын бизнесі ғимараты орналасқан: 5 казино, 4 слот-зал, 6 букмекерлік кеңсе. Әкімдіктің мамандары жүргізген мониторинг нәтижесінде ойынханаларда 7,5 мың адам жұмыспен қамтылғаны анықталды. Бұдан бөлек, ойынханалар заңды түр қызмет көрсетіп жатқанын айта кеткен жөн», — деді Нұрлан Құматаев.
Оның айтуынша, ойын бизнесіне басқаша көзқараспен қарайтын уақыт келді. Себебі, дамыған елдердің мегаполистерінде де ойынханалар орналасқан. Аталған жайт қала дамуына еш кедергі келтірмейді.
