Алғаш рет Қонаев қаласы бойынша қоғамдық тәртіпті сақтауға 150-ге жуық полиция қызметкерлері мен әскери қызметшілер қатысты. Жүргізілген талдау бойынша ең көп адам жиналатын орындарда, саябақтар мен қала шетінде жаяу патрульдеуді жүзеге асыру үшін 30 маршрут құрылды.
Нарядтар жедел жағдай туралы хабардар етіліп, бағдарлармен танысты. Сонымен қатар полицияның сервистік моделінің және жол қауіпсіздігін қамтамасыз етудің негізгі бөлшектері туралы жеке құрамға жеткізілді.
Іс-шара соңында полиция қызметкерлері мен әскери қызметшілер оркестрдің сүймелдеуімен салтанатты шеру жасады.
