Мұнда мұхит суын мекен ететін баррамунди (алабұға) балығы өсірілмек. Қуаттылығы жылына — 1000 тонна, кейінірек, бизнес айналымға кірген соң 10 мың тоннаға жетеді деп жоспарланып отыр. Аталған зауыттың басым бағыты — тауарды экспортқа шығару.
Бұл — Қазақстандағы теңдессіз зауыт. Себебі, бассейндерді толтыру үшін пайдаланылған су фильтрден өтіп қайта қолданылады.
Мұнда уылдырықтан бастап, шабақ, үлкен балыққа дейін өсіріледі. Олардың әрқайсысы түрлі температурадағы жеке бассейндерге орналастырылады.
«Оспанова Девелопмент» ЖШС жүзеге асыратын жобаға 67 млрд теңге инвестиция құйылады. Аталған кәсіпорында 300-ге жуық жұмыс орны ашылады.
Бұл зауыт ҚР Үкіметінің балық шаруашылығын дамытуға байланысты қабылдаған ұзақ мерзімді бағдарламасы бойынша салынып жатыр.
Неге баррамунди балығын өсіру қолға алынды?
Себебі, алабұға — қылтанақсыз балық, екіншіден, қанша пісіріп, қуырып жатса да дәмін жоғалтпайды.
