Облыста тұтыну бағалары құнсыздану деңгейі — 117,7% (ҚР — 120,3%), оның ішінде азық-түлік тауарларына – 123,6% (ҚР — 125,3%), азық-түлік емес тауарларға – 115,3% (ҚР – 119,4%), ақылы қызметтерге – 111,8% (ҚР – 114,1%) құраған.
«Алайда, өткен жылдың басымен салыстырғанда 19 әлеуметтік маңызы бар тауарлардың 10 түріне баға айтарлықтай өсті. Бұл жағдайды ретке келтіру үшін жаңадан құрылған «Қонаев» әлеуметтік-кәсіпкерлік корпорациясына жергілікті бюджетті нақтылау барысында «айналым схемасы» бойынша қосымша қаражат қарастыру жоспарланып отыр. Осы қаражатты тиімді пайдаланып, әлеуметтік маңызы бар азық-түлік тауар бағаларының өсуіне жол бермеуі қажет», — деді Асылан Ораз.
