Телеарна сюжетінде Қаскелеңнің Қойтас деген ортақ атауы бар көшелеріндегі жолдың сапасыздығы, ондағы үй аулаларына кіріп-шығу қиын екені айтылған болатын. Қарасай ауданының әкімі телеарнаға шағымданған тұрғындармен кездесіп, мәселені жуық арада реттеуге уәде беріп отыр.
«Президент өзінің назарында ұстап отыр, біледі сіздердің проблемаларыңызды. Бизнес өкілдерімен мәселені шешеміз. Сіздер көшені кеңейтіп, әрі қарай шығару керек деген талап қойып отырсыздар. Ол талапты орындаймыз. Оған қажет жер жеке меншікте екен. Оның иесімен де шақырып сөйлесеміз. Қазір осы бар көшені реттеп, асфальт салып, бағаналардың ішкері кіріп кеткендерін түзетіп қоюымыз керек. Ең бастысы, жердің мәселесін шешіп алсақ, әрі қарай атқарамыз, қаражат бөлінеді. Жобасын жасаймыз. Асфальт салайық, электр желісін жаңалайық», — деді әкім Жасұлан Естенов көше тұрғындарымен кездесуінде.
