Осыдан 3 ай бұрын Қарасай ауданы әкімдігінің субсидиялауымен Қаскелең қаласының ішінде жүретін жаңа 2 маршрут іске қосылған болатын.
Енді Қаскелең мен Исаев ауылы арасында қоғамдық көлікпен қатынайтын тұрғындар үшін жаңа 4 шағын автобус жүреді. Жолақысы «AlemPay» компаниясы қойған терминал және банк карталары, Kaspi QR арқылы іске асырылады. Ал 7 жасқа дейінгі балаларға тегін, оқушыларға 50% жеңілдік қарастырылған. Жаңа маршрут Қаскелең қаласынан бастау алып, Алмалыбақ, Жалпақсай, Көлді, Мерей, Елтай, Исаев ауылына дейін қатынайды.
